Tədbirdə şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan Akademiyanın rektor vəzifəsini müvəqqəti icra edən dos. Yusif Ağayev  2 fevral - Azərbaycan Gəncləri Gününün Ulu Öndər Heydər Əliyevin 1997-ci il fevralın 2-də imzaladığı Fərmana əsasən hər il qeyd edildiyini diqqətə çatdırdı. O, dahi şəxsiyyət Heydər Əliyevin 1997-ci ildə imzaladığı fərmanla təsis olunan əlamətdar günün Azərbaycan gənclərinin cəmiyyətdəki roluna verilən yüksək qiymət olduğunu bildirdi. Natiq qeyd etdi ki, Ulu Öndərin gənclərə etimadı bu gün təsdiqini tapmaqdadır. Hazırda ölkəmizdə gənclər siyasəti keyfiyyətcə yeni mərhələsini yaşayır. Ölkə Prezidenti İlham Əliyev Ulu Öndərin gənclər siyasətinə sadiqliyini qərarları ilə təsdiqləyir. Gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait və imkan bu sahəyə böyük diqqətin nəticəsidir.

Daha sonra dos.Y.Ağayev Azərbaycan Həmkarlar İttifaqları Konfederasiyasının sədri Sahib Məmmədovun gənclər siyasətinə verdiyi dəstək barədə fikirlərini bildirdi, bu istiqamətdə AHİK Könüllüləri proqramının yaradılmasının əhəmiyyətini qeyd etdi. O, ölkənin uğurlu inkişafında gənclərin rolunu, onların bilik və bacarıqlar əldə etmələrinin vacibliyini, əmək bazarında rəqabətə davamlı olmaları üçün əldə edəcəkləri təcrübənin əhəmiyyətini vurğuladı. Tədbirdə “Sosial iş” fakültəsinin dekanı dos. N.Y. Mikayılova, “Maliyyə-İqtisad” fakültəsinin dekanı dos. L.F.Mahmudova, TGT sədri Ö. Sərxanlı çıxış etdilər.

2 Fevral-Azərbaycan Gəncləri Gününə həsr olunmuş videoçarxın nümayişindən sonra Akademiyanın ictimai həyatında fəal iştirak etmiş bir qrup gənc Fəxri Fərmanla təltif olundu.

Tədbirin rəsmi hissəsi bitdikdən sonra iştirakçılar ağacəkmə aksiyasında iştirak ediblər.