Azərbaycan Əmək və Sosial Münasibətlər Akademiyasının İnnovasiya və karyera şöbəsi Azərbaycan Respublikası Nazirlər Kabinetinin 19 iyun 2009-cu il tarixli, 833-IIIQ №-li “Təhsil haqqında Azərbaycan Respublikasının Qanunu”na əsasən yaradılmışdır. 

Azərbaycan Əmək və Sosial Münasibətlər Akademiyasının İnnovasiya və karyera şöbəsinin  əsasnaməsi Akademiyanın Elmi Şurasının 14.09.2020-ci il tarixli iclasının (pr. № 01) qərarı ilə təsdiq edilmişdir. 15.09.2020-ci il tarixindən Hikmət Mirzəyev İnnovasiya və karyera şöbəsinin müdiri vəzifəsini icra edir.  

Şöbə öz fəaliyyətini mövcud qanunvericiliyə uyğun olaraq, dövlət və özəl müəssisələrlə bağlanmış sazişlər və müqavilələr əsasında həyata keçirməyi nəzərdə tutur.

Akademiyada təhsil alan yuxarı kurs tələbələrinin karyeralarının planlaşdırılmasına məsləhət və istiqamət verərək, onları iş dünyasına hazırlayır.

Şöbənin yaradılmasınin başlıca məqsədi gənclərin bilik, yumşaq və sərt bacarıq və vərdişlərinin artırılması, onların məşğulluq problemlərinin həll edilməsi üzrə kompleks təşkilati, informasiya, konsaltinq, maarifləndirmə tədbirlərinin həyata keçirilməsidir.

İNNOVASİYA VƏ KARYERA ŞÖBƏSİNİN FƏALİYYƏT ISTİQAMƏTLƏRİ: 

Bakalavriat, magistrant elektron məlumat bazasının hazırlanması;

Hər il gənclər üçün əmək yarmarkalarının təşkil edilməsi və keçirilməsi;

Yarmarkaların keçirilməsi təhsil prosesinin yekun mərhələsi olmaqla, milli təhsil sistemi üçün bazar iqtisadiyyatı şəraitində məzunların işlə təmin olunmasına köməklik etmək;

Konsaltinq xidmətinin göstərilməsi və müxtəlif sferalarda layihələrin hazırlanması;

Dövlət məşğulluq agentliyi tərəfindən yaradılmış Karyera Mərkəzləri Şurasının üzvü olması ilə əlaqədar tədbirlərdə iştirakın təmin  edilməsi;

Azərbaycan  Respublikasının ali məktəblərində fəaliyyət göstərən Karyera Mərkəzləri ilə əməkdaşlığın genişləndirilməsi;