Sosial iş fakültəsi 2019-cu il sentyabr ayından fəaliyyət göstərməsinə baxmayaraq “Sosial iş” ixtisası üzrə mütəxəssislər 2016-cı ildən hazırlanır. Fakültənin nəzdində “HİH və sosial fənlər” və “Humanitar fənlər” kafedraları və “Sosioloji araşdırmalar laboratoriyası” fəaliyyət göstərir. Fakültə Respublikanın digər ali məktəblərinin uyğun fakültələri, müxtəlif dövıət qurumları və təşkialatları ilə əməkdaşlıq fonunda birgə elmi tədbirlər, təlimlər və təcrübə tədbirlərini həyata keçirir. Ümumilikdə fakültənin professor-müəllim heyəti olaraq 31 əməkdaşı vardır. Bunlardan 1 müəllim professor, 1 müəllim elmlər doktoru, 8 müəllim dosent və 4 müəllim fəlsəfə doktorudur. Sosial iş istiqaməti üzrə sosioloji araşdırmalar laboratoriyasında müxtəlif elmi təlim və tədqiqatlar aparılır, ixtisas üzrə mütəxəssislər fakültəyə dəvət edilərək onlarla fikir mübadiləsi aparılır, tələbələrin sosial xidmət, reabilitasiya mərkəzləri və sığınacaqlarda müxtəlif fəaliyyətləri yaxından müşahidə etməsi və təcrübədə olduqları vaxtda bu fəaliyyətlərdə iştirak etməsi üçün şərait yaradılır.

Fakültədə bakalavr və magistratura səviyyəsində tələbə qəbulu və tədrisin təşkili həyata keçirilir. Hal hazırda fakültədə “Sosial iş” ixtisası üzrə 358 tələbə bakalavr səviyyəsində və 15 tələbə magistratura səviyyəsində təhsil alır. 2024-cü ilə qədər 250 tələbə “Sosial iş” ixtisası üzrə məzun olub.

Fakültəyə sosologiya üzrə fəlsəfə doktoru Abbasi Saedabad Mohammad rəhbərlik edir.