Bugünkü kurs sosial müdafiənin, əməyin mühafizəsinin əsasları və əməyin əsas vacib aspektlərindən biri bağlı idi.

“Senur” Psixoloji Mərkəzin psixoloqu Məsməxanım Hacıyeva “Əməyin motivasiyası, müasir işçinin ehtiyacları. Motivasiya prosesi üçün informasiya dəstəyi. Motivasiya tədbirlərinin təşkili” mövzusunu açmaqla onun psixoloji əsaslarını, yəni: motivasiya anlayışı, maraqlar, həvəskarlar, motivlər, motivasiya prosesi, motivasiya bir insana necə  təsir edir kimi anlayışları  həmkarlar ittifaqı komitəsinin sədri rolu ilə məharətlə əlaqələndirə bildirdi.

AR Əmək və Əhalinin Sosial Müdafiə Nazirliyi yanında Dövlət Sosial Müdafiə Fondu Aparatının  Fərdi uçota nəzarət və sosial sığorta departamentinin “ Sosial sığorta” şöbəsinin mütəxəssisi  Arzuman Pirəliyev  dinləyiciləri bu gün Respublikada əhalinin sosial müdafiəsi ilə bağlı qanunvericilik və normativ-hüquqi aktlarla tanış elədi, “Sosial sığorta haqqında” qanun, sosial sığorta risklərinin növləri, idarəetmə orqanları, maliyyələşmə mənbələri və s. mövzularda çıxış etdi.

Bu günün sonunda AR Əmək və Sosial Müdafiəsi Nazirliyinin yanında Dövlət Əmək Müfəttişliyin xidmətinin  “Əməyin mühafizəsi” sektorunun müdiri  Elxan Çərkəzov əməyin mühafizəsi işinə normativ və hüquqi təminat, əməyin mühafizəsinin təşkili və işçilərin əməyin mühafizəsi hüquqlarının təmin edilməsi, həmkarlar ittifaqının əməyin mühafizəsi və təhlükəsizliyi üzrə müvəkkili: əsas iş funksiyaları haqqında ətraflı çıxış edib və  onların suallarını səriştəli şəkildə cavablandırıb.

Mütəxəssislərin çıxışları ilə müşayiət olunan bacarıqlı və peşəkarcasına hazırlanmış təqdimat kurs iştirakçılarının diqqətini çəkdi.