Azərbaycan Əmək və Sosial Münasibətlər Akademiyasında həmkarlar ittifaqı kadr və fəallarının təhsili və ixtisasartırılması təsdiq edilmiş planına uyğun olaraq cari il aprelin 1-dən həmkarlar ittifaqı işçiləri üçün kurslara başlanıb. Bu il 34 kursda, 582 nəfər həmkarlar ittifaqı işçilərinin hazırlanması nəzərdə tutulub 3 günlük kurslarda-16, 4 kurs Aviasiya, Neft Sənayesi və Avtomobil Nəqliyyatı işçilərinin həmkarlar ittifaqı müəssisələrində təşkil olunacaq, 5 günlük -16, 4 günlük -1, 14 günlük-1, 10 günlük -1. Bu il həmkarlar ittifaqı kadr və fəalları üçün kurslarla yanaşı, həmçinin müvafiq sahələr üzrə həmkarlar ittifaqı orqanlarının aparatları daxil ediləcək: təşkilati işlər və məlumat üzrə - 12 nəfər, sosial - əmək münasibətləri üzrə - 16 nəfər, həmkarlar ittifaqı maliyyə işi üzrə - 19 nəfər, sosial-iqtisadi məsələlər üzrə - 25 nəfər, əməyin mühafizəsi və təhlükəsizliyi üzrə - 20 nəfər, beləliklə, 92 nəfər kuslarda iştirak edəcəklər.

Bütün istiqamətlər üzrə həmkarlar ittifaqı fəalları  üçün 3 günlük kurslara aprelin 1-dən “Həmkarlar ittifaqı təşkilatında fərdi və kollektiv əmək mübahisələrinin həllində həmkarlar ittifaqlarının hüquqi müdafiəsi təcrübəsi” mövzusunda başlanəb. Kursun proqramına aşağıdakı mövzular daxil edilib:  “Həmkarlar ittifaqları haqqında” AR Qanunu və AR Əmək Məcəlləsi həmkarlar ittifaqlarının sosial -əmək münasibətlərinin tənzimlənməsində iştirak etmək hüquqları”,  “Fərdi əmək mübahisələri və onlara baxılma qaydaları”, “Həmkarlar ittifaqlarının qanunvericilik fəaliyyətində iştirak etmək imkanları. Həmkarlar ittifaqı nümayəndələrinin sosial-əmək sahəsinə aid qanun layihələri hazırlanarkən komissiyalarda iştirakı və onların ekspertizası”, “Kollektiv əmək mübahisələri və onlara baxılma qaydaları. Danışıqlar. - mübahisələrin həllinin əsas mərhələsi kimi”, “İşgüzar ünsiyyət psixologiyası. Ünsiyyət bacarıqlarının inkişafı.”, “Münaqişələr: onların aradan qaldırılması və həlli yolları”, “Həmkarlar ittifaqı təşkilatlarının və onların rəhbərlərinin işində münaqişəli vəziyyətlərin təhlili və həlli”. “İşəgötürənlə müəssisənin işçisi arasında yaranmış münaqişəli vəziyyətin həlli”, “Münaqişə vəziyyətində vasitəçinin rolu”. 

Danışıqların nəticələrinin təhlili. Danışıqlara hazırlıq.Danışıqların başlanması. Əsas hissə. Problemin müzakirəsi. Kursun sonunda təcrübə mübadiləsi ilə yanaşı, bu mövzu ətrafında testlər aparılıb.

Məşğələlərin keçirilməsi üçün AR Əmək və Əhalinin Sosial Müdafiəsi Nazirliyinin, AR Rəqəmsal İnkişaf və Nəqliyyat, Azərbaycan Həmkarlar İttifaqları Konfederasiyasının, AR Təhsil İnstitutunun, Psixologiya Mərkəzinin mütəxəssisləri dəvət olunmuşlar: Könül Mikayılzadə- Azərbaycan Respublikası Təhsil İmstitutun “Təhsilin nəzəriyyəsi və tarixi” şöbəsinin böyük elmi işçisi, Elşad Əliyev-AR Əmək və Əhalinin Sosial Müdafiəsi Nazirliyinin “Dövlət qulluğu və kadr məsələləri” şöbəsinin müdir müavini, Lalə Kərimova – AR Rəqəmsal İnkişaf və Nəqliyyat Nazirliyinin “Strateji təhlil” şöbəsinin müdir müavini,  Ruslan Bağırov – AHİK-in hüquq şöbəsinin müdir müavini, Cəmaləddin İsmayılov- “Xidmət-İş” Hİ Federasiyasının vitse-prezidenti, Nəzakət Mahmudova – “Teleradio” İB HİK sədri.  

Kurs proqramı elə tərtib edilmişdir ki, dinləyicilər bu problemin qanunvericilik aktları ilə tanış olmaqla yanaşı praktiki vəziyyətləri araşdırıblar.

Kursların sonunda dinləyicilər öz sorğu anketlərində bütün kurs təşkilatçılarına, dövlət qurumlarından və həmkarlar ittifaqı təşkilatlarından dəvət olunmuş mütəxəssislərə minnətdarlıqlarını bildiriblər. 

Kurs iştirakçılarına dinlədikləri proqramın elektron variantı və kollektiv şəkilləri təqdim olunub