Xocalı faciəsinin 32-ci ildönümü ilə əlaqədar fevralın 26-da Azərbaycan Əmək və Sosial Münasibətlər Akademiyasının müəllimi,TEC sədri Aygün Bağırzadə və TEC fəalları Xocalı soyqırımı abidəsini ziyarət ediblər.

Tələbələr soyqırımı abidəsinin önünə gül dəstələri düzmüş, faciə qurbanlarının xatirələrini ehtiramla anıblar.

Qeyd etmək lazımdır ki, sovet ordusunun Xankəndi şəhərində yerləşən 366-cı alayının iştirakı ilə erməni silahlı dəstələri 1992-ci il fevralın 25-dən 26-na keçən gecə keçmiş Xocalı şəhərini yerlə-yeksan edib. Erməni vandallarının Azərbaycan xalqına qarşı törətdiyi növbəti kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca xüsusi amansızlıqla qətlə yetirilib, 1275 dinc sakin əsir götürülüb, 150 nəfərin taleyi isə hələ də məlum deyil. Bu soyqırımı aktı nəticəsində 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib.