Bu il dekabrın 15-də gənc həmkarlar ittifaqı liderləri üçün korporativ təlim kursları başa çatıb. Kursun sonunda tələbələr Abbasəli Rüstəmli- “Taghiyev Operating Company” MMC HİK-in  sədri tərəfindən həmkarlar ittifaqı təşkilatında korporativ təlimin təşkili ilə bağlı müzakirələr aparıb, daha sonra “İctimai çıxış və özünütəqdimat” mövzusunda psixoloji təlim keçiblər və təcrübəli təlimatçılar Əli Xəlilov Aytəkin Alqayeva tərəfindən çox maraqlı oyun şəkilində keçirilən “Komanda və lider” və sonda müasir dünyamızda əsl liderin necə olması lazım olduğu  Elnur Əliyevin- Azərbaycan Respublikası Prezidentinin yanında Dövlət İdarəçilik Akademiyasının dekanı, siy.f.d.,dos. bəzi tövsiyələrini dinlədilər. Bu mövzuda danışıb, çıxışı böyük diskussiya  səbəb olub, çoxsaylı suallar, dinləyicilərin  təklifləri ilə çıxış edib, Elnur Əliyevin yeni görüşlər arzulayıblar.       

Dinləyicilərin arasında Aslanov Rasim, Mahmudova Ünay, 2 nömrəli Bakı Baza Tibb Kolleci tələbələri Həsənova Xədicə, Hacılı Mələk , Həsənov Həsən və  Şirinova Gülsarə  Milli Hidrometeorologiya xidməti əməkdaşları fəal olublar.

Sonda gənc həmkarlar ittifaqı liderlərini həyəcanlandıran maraqlı proqrama və aktual mövzulara görə Akademiya rəhbərliyinə, kurs təşkilatçılarına, bütün təlimçilərə, o cümlədən Abbasəli Rüstəmli, Turan Şabanov, Əli Xəlilov, Aytəkin Alqayeva, Zeynəddin Şabanova təşəkkürlərini bildiriblər və eyni tərkibdə yenidən kurslara dəvət olunmalarını arzulayıblar.

Yekunda  dinləyicilərə  sertifikatlar, elektron formada bütün metodiki vəsaitlər təqdim olunub, qrup şəklində fotoşəkillər çəkilib.