Cari ilin 18 sentyabr tarixlərindən etibarən “Həmkarlar ittifaqı lideri ” mövzusu ilə bağlı 2 aylıq kurslar keçirilməyə başlanılmışdır. Kurslarda Həmkarlar ittifaqı sədrləri, gənc həmkarlar ittifaqı lideri, həmkarlart ittifaqı komitə üzvləri, təlimatçılar, ümumilikdə 10 nəfər iştirak edib.

Tədris proqramına aşağıdakı mövzular daxil edilmişdir: “Həmkarlar ittifaqlarında səmərəli rəhbərlik. Rəhbərliyə təsir üsulları. Lider obrazı”, “Həmkarlar ittifaqı işinin idarəetmə əsasları. Həmkarlar ittifaqı təşkilatı  idarəetmə obyekti kimi”, “Həmkarlar ittifaqı üzvlüyünün motivasiyası. Gənclərlə işin əsasları”, “Gənclərin motivasiyasının xüsusiyyətləri, gənc işçilərin motivasiyasını artırmaq üçün AHİK-in və HİRK-in fəaliyyəti”, “Həmkarlar ittifaqlarının kadr siyasətinin əsas anlayışları və alətləri. Kadr ehtiyatı ilə iş üsulları. Həmkarlar ittifaqı işçilərinin davamlı, məcburi innovativ təhsili”, “Kargüzarlıq həmkarlar ittifaqı təşkilatında”, “Treninq : İctimai çıxış, onlara hazırlıq. Tamaşaçılarla işləmək üsulları. İşgüzar görüşlərin, söhbətlərin, danışıqların təşkili və keçirilməsi. Bədən dili”, “Hesabat-seçki kampaniyasının hazırlanması və keçirilməsində həmkarlar ittifaqı təşkilatının işinin əsas istiqamətləri”.

Dərsin keçirilməsi üçün dövlət qurumlarından mütəxəssislər dəvət olunub, o cümlədən: AR Əmək və Əhalinin Sosial Müdafiə Nazirliyinin əməkdaşları: Hacıyeva Fəridə - “Əmək siyasəti” şöbəsinin Əmək siyasətinin təkmilləşdirilməsi sektorunun baş məsləhətçisi, Dövlət Sosial Müdafiə Fondu yanında Pensiya təminatı departamenti “Qanunvericilik məsələləri” şöbəsinin şöbə müdiri və “Fərdi uçota nəzarət və sosial sığorta” departamenti “Sosial sığorta” şöbəsinin mütəxəssisi: Sahil Aslanov,  Azərbaycan Respublikası Prezidentinin yanında Dövlət İdarəçilik Akademiyası dekanı: Elnur Əliyev, “Binəqədi OYL” şirkətinin HİK sədri: Bağıyev Cavanşir, Azərbaycan Əmək və Sosial Münasibətlər Akademiyasının Baş mühasibi Hökümə Əkbərova, Azərbaycan Əmək və Sosial Münasibətlər Akademiyasının  psixoloqu: Deniz Metin Həsənova.

Dəvət olunmuş mütəxəssislərə müvafiq mövzularda peşəkar təqdimatlar edilmişdir. Kurs iştirakçıları dəvət olunmuş mütəxəssislərə minnətdarlıqlarını bildirmiş, mövzuların müzakirəsində fəal iştirak etmiş, əməkhaqlarının, pensiyaların və s. yaxşılaşdırılması ilə bağlı təkliflərini vermişlər. Kursların sonunda həmkarlar ittifaqı üzvləri belə kursların sistemli şəkildə təşkilinə və keçirilməsini təklif etdiklərinə görə minnətdarlıqlarını bildiriblər.