Cari ilin 11 və 12 sentyabr tarixlərində “Həmkarlar ittifaqlarının işçilərin əməyinin ödənilməsinin tənzimlənməsindəki fəaliyyəti :qanunvericilikdə yeniliklər, yeni yanaşmalar” mövzusu ilə bağlı 3 günlük kurslar keçirilib. Kurslarda həmkarlar ittifaqı komitələrinin sədrləri və sosial-iqtisadi məsələlər üzrə komissiya sədrləri və həmkarlar ittifaqı üzvləri, ümumilikdə 34 nəfər iştirak edib.

Tədris proqramına aşağıdakı mövzular daxil edilmişdir: “AR Əmək məcəlləsi: yeniiklər, dəyişikliklər, əlavələr”, “2023-cü ildə əməkhaqqı: qanuni tələblər. Əməkhaqqı tələbləri. Məzuniyyət haqqının ödənilməsi şərtləri; əməkhaqqının gecikdirilməsinə görə məsuliyyət. Vaxt cədvəli. Elektron xəstəlik məzuniyyətinin tətbiqi. Normadan kənara çıxan şəraitdə işə görə (iş vaxtından artıq iş, həftə sonları və bayram günlərində iş, gecə vaxtı və s.)”, “Kollektiv müqavilə hüquqi akt kimi. Sosial tərəfdaşlığın qanunvericilik əsasları. Kollektiv müqavilənin hüquqi statusu. Layihənin hazırlanması və kollektiv müqavilənin bağlanması üzrə kollektiv danışıqların aparılması”,         “Vətəndaşların pensiya hüquqlarının formalaşdırılmasının yeni qaydaları, Azərbaycanda özəl pensiya fondları: perspektivlər, beynəlxalq təcrübə», “Sosial sığorta haqqında AR qanunu: yeniliklər”. Yekun dərsdə mövzu ilə bağlı-“Kollektiv müqavilələrdə əməkhaqqının tənzimlənməsinin kompleks məsələləri” Kollektiv müqavilədə “Əməkhaqqı” bölməsinin formalaşdırılması. Tipik səhvlər”- adlı işgüzar oyun keçirildi.

Dərsin keçirilməsi üçün aşağıdakı dövlət qurumlarından mütəxəssislər dəvət olunub: AR Əmək və Əhalinin Sosial Müdafiə Nazirliyin əməkdaşları: Hacıyeva Fəridə-“Əmək siyasəti” şöbəsinin Əmək siyasətinin təkmilləşdirilməsi sektorunun baş məsləhətçisi və  Rəşad- Əhmədov-“Əmək qanunvericiliyinin tətbiqi “sektorunun müdiri, Rauf Əliyev-“Dövlət qulluğu və kadr məsələləri” şöbəsinin müdir müavini,  Sahil Aslanov –  AR Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun  Pensiya təminatı departamenti “Qanunvericilik məsələləri” şöbəsinin şöbə müdiri və “Fərdi uçota nəzarət və sosial sığorta” departamenti “Sosial sığorta ”şöbəsinin mütəxəssisi. Kursların mövzusuna uyğun olaraq, psixoloji aspektlərdə olan mövzular da daxil edilib,  “Özünüidarəetmə liderlik- uğur amili kimi”  və “İşgüzar ünsiyyətin psixologiyası. İşgüzar sosial ünsiyyət dili. Effektiv danışıqlar” adlı mövzuları müzakirə şəklində Akademiyanın psixoloqu Güldeniz Metin Hasanova aparırdı.

Dəvət olunmuş mütəxəssislərə müvafiq mövzularda peşəkar təqdimatlar edilmişdir. Kurs iştirakçıları dəvət olunmuş mütəxəssislərə minnətdarlıqlarını bildirmiş, mövzuların müzakirəsində fəal iştirak etmiş, əməkhaqlarının, pensiyaların və s. yaxşılaşdırılması ilə bağlı təkliflərini vermişlər.