Cari ilin 19 - 21 sentyabr 2023-cü il tarixlərində “Həmkarlar İttifaqı liderin universal sosial səlahiyyətləri laboratoriyası” mövzusu ilə bağlı 3 günlük kurslar keçirilib. Kurslarda Həmkarlar ittifaqı fəalları, həmkarlar ittifaqı büro təşkilatçıları, ümumilikdə 17 nəfər iştirak edib.

Tədris proqramına aşağıdakı mövzular daxil edilmişdir: “Motivasiya” termini bizim üçün nə deməkdir?, “Liderin universal sosial səriştələri”, Həmkarlar ittifaqı təşkilatının səmərəli idarə edilməsi üçün zəruri olan şərtlər və əsas funksiyalar. Həmkarlar ittifaqları hüquqi bazası (AR Həmkarlar ittifaqı haqqında qanun, AR Əmək Məcəlləsi, Baş Saziş, Kollektiv müqavilə, Həmkarlar ittifaqlarının təşkilati fəaliyyətinin əsasları -Həmkarlar ittifaqlarının informasiya siyasəti, kadrlarla işdə istifadə olunan aktivləşdirmə üsulları. Təşkilatın üzvləri və qeyri-üzvləri üçün stimullaşdırma və motivasiya üsulları. Sosial-əmək məsələlərinin həllində sosial tərəfdaşların qarşılıqlı əlaqəsinin təcrübəsi, Həmkarlar ittifaqı təşkilatına cəlb olunmaq üçün motivasiya. Həmkarlar ittifaqı üzvlüyünün motivasiyasına müasir yanaşmalar.;

Yekun panel diskussiya. Həmkarlar ittifaqı təşkilatının fəaliyyətinin məzmunu. Həmkarlar ittifaqı üçün nə maraqlı ola bilər? Həmkarlar ittifaqı təşkilatının təşviqi üçün zəruri tədbirlər.

Dərsin keçirilməsi üçün aşağıdakı dövlət qurumlarından mütəxəssislər dəvət olunub: AR Əmək və Əhalinin Sosial Müdafiə Nazirliyin əməkdaşları: Hacıyeva Fəridə - “Əmək siyasəti” şöbəsinin Əmək siyasətinin təkmilləşdirilməsi sektorunun baş məsləhətçisi, Rauf Əliyev - Aparatının Dövlət qulluğu və kadr məsələləri şöbəsinin müdir müavini, Namiq Cəfərov- Dövlət Əmək Müfəttişliyi Aparatının “Əməyin mühafizəsinə nəzarət” şöbəsinin “Bədbəxt hadisələrin araşdırılması” sektor müdiri, Elnur Əliyev - Azərbaycan Respublikası Prezidentinin yanında Dövlət İdarəçilik Akademiyasının dekanı, fəlsəfə üzrə fəlsəfə doktoru, Ruslan Bağırov- AHİK-in hüquq şöbəsinin müdir müavini,Cəmaləddin İsmayılov -  “Xidmət-İş” HİF vitse-prezidenti, Deniz Metin Həsənova - Azərbaycan Əmək və Sosial Münasibətlər Akademiyasının  psixoloqu.

Dəvət olunmuş mütəxəssislərə müvafiq mövzularda peşəkar təqdimatlar edilmişdir. Kurs iştirakçıları dəvət olunmuş mütəxəssislərə minnətdarlıqlarını bildirmiş, mövzuların müzakirəsində fəal iştirak etmişdirlər.