17.12.2024-cü il tarixdə “PashaHolding” Məhdud Məsuliyyətli Cəmiyyətin strateji aktivi olan “PashaPay” Məhdud Məsuliyyətli Cəmiyyəti Azərbaycan Əmək və Sоsial Münasibətlər Akademiyasın İnnovasiya və karyera şöbəsinin təşkilatçılığı ilə Akademiyanın Maliyyə-İqtisad fakültəsinin tələbələri ilə görüş keçirmişdir. Görüşün məqsədi, tələbələrə şirkətin yeni layihəsi ilə əlaqədar məlumat vermək və onları bu layihəyə cəlb etməkdən ibarət olmuşdur. Satışa dəstək şöbəsinin rəhbəri Naima Eyyubova tərəfindən layihə çərçivəsində, tələbələr satış mövzusunda təlimləndiriləcək və bu işə marağı olan gənclər iki ay müddətinə (dərs saatlarından kənar saatlarda) ödənişli xidmətə cəlb olunacaqları, layihənin sonunda iştirakçıların sertifikatla təmin olunacağı və həmçinin fərqlənən iştirakçıların gələcəkdə PashaPay MMC-də işləmək imkanı əldə edəcəkləri barədə geniş məlumat verilmişdir.

Sonda görüşdə aktiv iştirak edən tələbələrə hədiyyələr verildi.