8 oktyabr 2024-cü il tarixdə Azərbaycan Əmək və Sosial Münasibətlər Akademiyasında Avtonəqliyyat və yol təsərrüfat həmkarlar ittifaqı təşkilatlarının yeni seçilmiş sədrləri üçün kurslar başlamışdır. Bununla əlaqədar olaraq kurs proqramına həmkarlar ittifaqı təşkilatının işinin fəaliyyətini  düzgün təşkil etmək üçün aşağdakı mövzular proqrama daxil edilmişdi: “Motivasiya” anlayışı. Motivasiya prosesi. Əməkçilərin hüquqlarının  müdafiəsi: əsas məsələlər, izahat və şərhlər. Həmkarlar ittifaqlarının əsas funksiyaları. Təşkilati işin əsas istiqamətləri.  Həmkarlar ittifaqı qrup təşkilatçısının hüquq və vəzifələri. Həmkarlar ittifaq işinin planlaşdırılması. İşçilərin özünü müdafiəsi. Həmkarlar ittifaqı komitəsinin işçilərin hərəkətlərini əlaqələndirmək vəzifələri. Özünümüdafiə əmək hüquqlarını qorumaq üsulu kimi. Sosial-əmək münasibətlərinin və sosial tərəfdaşlığın hüquqi tənzimlənməsi. Kollektiv müqavilə zəhmətkeşlərinin müdafiəsində mühüm sənəd kimi.  Azərbaycanda pensiya sistemi: reallıq və perspektivlər. Azərbaycanda əhalinin sosial təminatı və müdafiəsi. Həmkarlar ittifaqı təşkilatının maliyyə işi. Həmkarlar ittifaqı təşkilatında informasiya işi.  İnformasiya ilə işləmə texnologiyaları. İlk həmkarlar ittifaqı təşkilatında kargüzarlıq.

3 günlük kurslar çox fəal  şəkildə keçirildi, müzakirələr, praktiki məşğələlər aparıldı. Dəvət olunmuş mütəxəssislər: Məsməxanım Hacıyeva-“ Senur ” Psixoloji Mərkəzin psixoloqu, AR Əmək və Sosial Müdafiəsi Nazirliyi Aparatının  əməkdaşları: Rəşad Əhmədov - “Əmək siyasəti ” şöbəsinin əməkdaşı, Rauf Əliyev-  AR Əmək və Əhalinin Sosial Müdafiə Nazirliyi Aparatının “dövlət qulluğu və kadr  məsələləri” şöbəsinin  müdir müavini, Fəridə Hacıyeva – “ Əmək siyasəti ” şöbəsinin “ Əmək siyasəti təkmiləşdirilməsi” sektorunun baş məsləhətçisi, Arzuman Pirəliyev -  AR Əmək və Əhalinin Sosial Müdafiə Nazirliyi yanında Dövlət Sosial Müdafiə Fondu Aparatının əməkdaşları: Fərdi uçota nəzarət və sosial sığorta departamentinin “Sosial sığorta” şöbəsinin mütəxəssisi,  Sahil Aslanov- –Pensiya təminatı departamentinin “Qanunvericilik məsələləri” şöbəsinin müdiri, Mirzə Cəfərzadə -Təhsil iş. HİRK sədr müavini, Hökümə Əkbərova – Azərbaycan Əmək və Sosial Münasibətlər Akademiyasının baş mühasibi.

Nəzakət Mahmudova-“ Teleradio” İB HİK sədri həmişə olduğu kimi, təqdimatlarla çıxış edərək həm təqdimatlarının mövzularını, həm də kursların iştirakçılarının suallarına cavablarını diqqətli şəkildə əhatə etdi. Bundan əlavə, onlara kurslar zamanı  çəkilmiş bütün fotoşəkillər və həmkarlar ittifaqı işini təşkili üçün  metodik tövsiyələr elektron formada təqdim olunub.

Dinləyicilər bu kursların keçirilməsinə görə Akademiyanın rektoruna  vəRespublika Həmkarlar İttifaqı Komitəsinin rəhbərliyinə minnətdarlıqlarını bildirmiş, analoji kursların vaxtaşırı keçirilməsini təklif etmişlər