İyunun 7-də “Layihənin idarə edilməsinin(menecmentinin) əsasları” mövzusunda  gənc həmkarlar ittifaqı fəalları, təlimatçılar, həmkarlar ittifaqı  gənclər şura sədrləri və üzvləri üçün 5 günlük kurslar başa çatıb.

Son gün “Mən obrazı və həmkarlar ittifaqı rəhbərinin özünü təqdimatı, ictimai çıxışın hazırlanması, natiqlik və ifaçılıq bacarığı”problemləri ilə  bağlı psixoloq Məsməxanım Haxşyıeva tərəfindən keçirilən təlim fəal müzakirə şəkilndə keçirildi. Təlimdə onlar eşitdikləri,  cəmiyyətdə, ümumilikdə iş və həyat fəaliyyətində necə həyata keçirə biləcəkləri haqqında müzakirə etdilər.

Sonra Zülfiyyə Nağıyevanın - DOST Agentliyi əməkdaşı proqrama uyğun olaraq sosial layihə hazırlanması ilə bağlı təlimi başladı. Qeyd etmək lazımdır ki, kurs iştirakçıları seminarın ikinci günündə tapşırıq alıblar və bu gün onlar öz layihələrini müdafiə etməli olublar. Giriş nitqindən sonra kurs iştirakçıları tapşırığa qatılıb və onun icrasına keçblər. Qeyd edək ki, layihənin hər bir müəllifi çox kreativ idi və günün tələblərinə cavab verirdi. Layihələri qeyd etmək istərdim: “Tələbələrin yay düşərgəsi” (müəllif Məmmədzadə Mirzəbala-BDU nəzdində İqtisadiyyat  və Humanitar Kollecinin tələbəsi) layihəsi slaydlar formasında təqdim olundu. Xüsusilə Azərbaycan Dövlət Pedaqoji Universitetinin tələbələrinin yaradıcı yanaşmasını qeyd etmək lazımdır: Musayeva Nərmin “Birlikdə əylənək”, Qurbanova Cəmilə “ İnklüziv şəhər”, Qafarova Sevil- “ Yaşıllığa təmizlik”, Məmmədova Aliyə- AR Müdafiə Nazirliyinin Bakı Hərbi kolleci “Ucqar kəndlərdə anaların inkişafı”, Həsənzadə Gündüz -Füzuli rayonun həmkərlar ittifaqı komitəsinin təlimatçısı və Əliyev Kənan AR İqtisadiyyat Nazirliyinin Həmkarlar ittifaqı komitəsinin təlimatçısı qrup şəklində “ Ucqar kəndlərdə uşaqların  təhsili” mövzusunda layihə hazırlayıblar.  Ümumilikdə kurslarda iştirak edənlərin hamısı fəal idi və mən burada öz təşəbbüsü ilə təlimin maraqlı anlarını çəkmiş Kərimli Gülnar- xanımı qeyd etmək istərdim və buna görə ona çox təşəkkür edirəm.  

Çıxışın sonunda təlimin rəhbəri Nağıyeva Zülfiyyə xanım iştirakçılara təşəkkür etdi və sonra kiçik rəmzi hədiyyələr təqdim olundu.

Nəticələrə yekun vurulduqdan və hədiyyələr təqdim edildikdən sonra gənc həmkarlar ittifaqı liderlərə gələcək birgə iş və dostluq əlaqələri üçün sertifikatlar, tədris materialları olan disklər və seminar iştirakçılarının əlaqə məlumatları əks olunmuş siyahıları təqdim olunub.

Kurs iştirakçıları məşğələlərin təşkilinə və səmərəli fəaliyyətinə, peşəkar biliklərinə görə təşkilatçılara - Akademiyanın rəhbərliyinə, müəllimlərə və təlimatçılara- Məsməxanım Hacıyeva,Könül Mikayılova, Nailə Qəhramanova Zülfiyyə Nağiyeva,AR Rəqəmsal və Nəqliyyat İnbkişaf nazirliyinin əməkdaşları-Lalə Kərimova, Heydər Şükürov, Murad Əhmədov, Bəxtiyar Quliyev minnətdarlıqlarını bildirmiş və Abbasəli Rüstəmlinin həmkarlar ittifaqı əsas istiqamətlərinin dərindən, bu gün  həmkarlar ittifaqı təşkilatının təşkilati işinin xüsusiyyətləri, gənclərin həmkarlar ittifaqında motivasiyasına dair yeni yanaşmalar izahına görə təlimini xüsusi qeyd etmişdilər.

Sonda kurs iştirakçıları sertifikatlarla birlikdə fotoşəkillər çəkdirdilər.

Qeyd etmək istərdim ki, bu, təkcə mənim,  dövlət qurumlarından dəvət olunmuş mütəxəssislərin də fikridir ki, bu kursların dinləyiciləri gənc həmkarlar ittifaqı üzvləri böyük yaradıcılıq və intellektual potensiala malikdirlər ki, bu da həm bütövlükdə həmkarlar ittifaqı üçün, həm də dövlətimizin inkişafı və həmkarlar ittifaqı hərəkatının təkmilləşdirilməsi üçün  çox böyük nəticələr verə bilər. Bunu xüsusilə onların hazırladıqları layihələr göstərdi və  belə gənclərin olması çox sevindiricidir. Bu gənclərə həmkarlar ittifaqı həyatı okeanında uğurlu yol və uğurlu naviqasiya arzulayırıq.