19.12.2023-cü il tarixdə “2023-cü ilin Heydər Əliyev ili” elan edilməsi ilə bağlı Tədbirlər Planının icrası ilə əlaqədar olaraq “Sosial iş” fakültəsinin, “HİH və sosial fənlər” kafedrasının təşkilatçılığı ilə “Dövlət sosial xidmətlərinin səmərəli təşkili” mövzusunda Tələbə - Elmi Praktiki konfransı keçirilmişdir. Tədbir Azərbaycan Respublikasının Dövlət Himninin səsləndirilməsi ilə başlanıb. Konfrans iştirakçıları Ulu Öndər Heydər Əliyevin xatirəsini bir dəqiqəlik sükutla yad etmişlər. Tədbiri giriş nitqi ilə açan “HİH və sosial fənlər” kafedrasının müdiri i.e.d., prof. Q.Ə.Səfərov iştirakçıları salamlayaraq, müstəqil Azərbaycan dövlətinin formalaşması və inkişafında Ulu Öndər Heydər Əliyevin rolunu qeyd edərək, “2023-cü ilin Heydər Əliyev ili” elan edilməsinə həsr olunan konfransın işinə uğurlar arzulayıb. Tədbirdə “Heydər Əliyev müasir Azərbaycan dövlətinin yaradıcısıdır” mövzusunda videoçarx nümayiş olunub.  Konfransda çıxış edən “Sosial iş” fakültəsinin dekanı S.O. Məmmədova müstəqil Azərbaycan dövlətinin qurucusu, Ümummilli lider Heydər Əliyevin Azərbaycanın inkişafı, müstəqilliyimizin qorunması və milli dövlətçiliyimizin gücləndirilməsi istiqamətində misilsiz tarixi xidmətlərindən danışıb. “HİH və sosial fənlər”, “Humanitar fənlər” kafedralarının müəllim – professor heyətinin rəhbərliyi ilə “Sosial iş” fakültəsinin 14 tələbəsi, “Maliyyə - iqtisad” fakültəsinin 4 tələbəsi konfransda aktual mövzularla fəal iştirak ediblər.

Konfransın sonunda iştirak edən tələbələrə sertifikatlar təqdim edilib.