Cari il oktyabrın 25-də 2 aylıq kursun Həmkarlar İttifaqı işçiləri Rövşən Camalovun AR Əmək və Əhalinin Sosial Müdafiə Nazirliyinin Tabeliyində Dövlət “Məşğulluq Agentliyinin Əmək bazarının təhlili” şöbəsinin baş mütəxəssisi “Gənclərin məşğulluğu: problemlər və perspektivlər” mövzusunda mühazirəsindən sonra Respublikamızda bu problemin  həlli yolları haqqında geniş təqdimatla çıxış etdilər. Bu gün kurs iştirakçıları Azərrbaycan Milli Xalça Muzeyinə ekskursiyaya dəvət olunublar.

Kursun dinləyicilərini Həmkarlar İttifaqı komitəsinin sədri Nizami müəllim, komitənin katibi Arzu xanım və bələdçi Türkan xanım qarşıladılar.

Bələdçi, yaradılış tarixindən başladı. Azərbaycan SSR Nazirlər Sovetinin 13 mart 1967-ci il tarixli 130 saylı fərmanı ilə Azərbaycan Milli Xalça Muzeyi yaradılmışdır. 1967-1993-cü illərdə muzey Azərbaycan Dövlət Xalça və Xalq Tətbiqi Sənəti Muzeyi, 1993-2014-cü illərdə Lətif Kərimov adına Dövlət Xalça və Xalq Tətbiqi Sənəti Muzeyi, 2014-2019-cu illərdə Azərbaycan Xalça Muzeyi, 2019 –cu ildən Azərbaycan Milli Xalça Muzeyi adlandırılmışdır.

Yarandığı dövrdə bu, dünyada yeganə ixtisaslaşmış xalça muzeyi idi. Onun əsas vəzifələri Azərbaycanın milli sərvəti olan xalça sənətinin nadir nümunələrinin saxlanılması, tədqiqi və nümayiş etdirilməsidir.

 “Azərbaycan Respublikasının Prezidenti İlham Əliyevin imzaladığı 2007-ci il tarixli və 2008-ci il tarixində Heydər Əliyev Fondu və Azərbaycan Respublikası Mədəniyyət və Turizm Nazirliyinin birgə layihəsi çərçivəsində yaradılan yaradıcılıq haqqında məlumat dinləyiciləri maraqlandırıb. 2014-cü ildə Dənizkənarı Milli Parkın ərazisində  avstriyalı memar Frans Yanzın rəhbərliyi ilə muzey işinin ən müasir tələblərinə cavab verən yeni muzey binası tikilmişdir.

Kurs iştirakçıları Muzeyin son illərdə həyata keçirdiyi beynəlxalq əhəmiyyətli layihələr çərçivəsində nümayiş etdirilən “Əvəzolunmaz dəyərlər” (Belqrad, 2017), “Xalçalar kolleksiyasından xalçalar”, “Azərbaycan Xalça Muzeyi” (Tbilisi, 2017), “Naxışların gözəlliyi və s. kimi eksponatlarla  tanış olublar.

Bələdçi, Lətif  Kərimovanın Azərbaycan xalça sənətinin inkişafındakı böyük xidmətlərindən ətraflı bəhs edib.

Ziyarətçilərin diqqətini xüsusilə cəlb edən o idi ki, muzeydə xovsuz və tüksüz xalçalarla yanaşı, müxtəlif xalça məmulatları, dekorativ qabartmalar, metaldan, keramikadan, şüşədən, ağacdan və toxuculuqdan hazırlanmış bədii əşyalar, kostyumlar, tikmə və zərgərlik nümunələri də nümayiş etdirilirdi.

Ekskursiyanın sonunda qonaqlar ekskursiyanın təşkilatçılarına təşəkkür edib, onlarla xatirə şəkli çəkdiriblər.