Sentyabrın 18-dən başlayan kurslar davam edir. Bu kursların tələbələri informasiya texnologiyaları, idarəetmənin əsasları, psixologiya, kollektivin formalaşmasında liderin rolu, Həmkarlar İttifaqlarının təşkilati işinin mahiyyəti, təşkilatçılıq haqqında bir sıra mühazirələr dinləyiblər.

Noyabrın 1-də Ceyhun Hacıyev -   AR  Rəqamsal  İnkişaf və Nəqliyyat Nazirliyi  Aparatının Strateji təhlil, innovasiya və rəqəmsallaşma şöbəsinin İqtisadi təhlil və statistika sektorunun böyük məsləhətçisi, Elnur Əliyev- Azərbaycan Respublikası Prezidentinin yanında Dövlət İdarəçilik Akademiyasının dekanı, f.ü.f.d., Ruslan Bağırov- AHİK hüquq şöbəsinin müdir müavini ,Cəmaləddin İsmayılov–“Xidmət-iş HİF vitse prezidenti, Mirza Cəfərzadə - Təhsil iş. Azad HİRK-in sədr müavini , Abbasəli Rüstəmli -  “Taghiyev Operating Company” MMC HİK-in  sədri- Milli Azərbaycan Tarixi Muzeyində olublar. Ekskursiya zamanı dinləyicilər onun yaranma tarixi ilə tanış olublar. Bələdçi onlara məlumat verdi ki, Bakının ən gözəl memarlıq abidələrindən biri olan muzey binası 1895-1896-cı illərdə həmin dövrdə şəhərin baş memarı olmuş polşalı memar İosif Qoslavskinin layihəsi əsasında tikilmişdir. Tanınmış sahibkar və xeyriyyəçi Hacı Zeynalabdin Tağıyevin iqamətgahı olan malikanədə 1920-ci ildən bəzi fasilələrlə muzey fəaliyyət göstərir.

2004-2007-ci illərdə Azərbaycan Respublikasının Prezidenti cənab İlham Əliyevin tapşırığı və nəzarəti ilə muzeyin binasında muzeyin əvvəlki görkəminin qorunub saxlanılması nəzərə alınmaqla kompleks bərpa və təmir işləri aparılmışdır. Bələdçi qeyd edib ki, muzeyin əməkdaşları onun direktoru Naili Vəlixanlının rəhbərliyi ilə təqdimatla bağlı çox böyük elmi-tədqiqat, mədəni-maarifləndirmə işləri aparırlar. Ekskursiyanın sonunda Həmkarlar İttifaqı işçiləri xatirə şəkilləri çəkdirmiş, çoxməzmunlu və maraqlı ekskursiyaya görə Muzeyin rəhbərliyinə,
Həmkarlar İttifaqı Komitəsinin sədri Bəxtiyar müəllimə və bələdçiyə minnətdarlıqlarını bildirmişlər.