16-20 oktyabr 2023-cü il tarixlərində həmkarlar ittifaqı təşkilatının mühasibləri və təftiş komissiyasının üzvləri üçün “Həmkarlar ittifaqı təşkilatında maliyyə işinin əsas istiqamətləri ” mövzusunda beş günlük kurslar keçirilib.

Kurslarda Təhsil, Fövqəladə Hallar Nazirliyi, Dövlət idarələri həmkarlar ittifaqı təşkilatlarının nümayəndələri, ümumilikdə 14 nəfər iştirak edib.

Kursun proqramı aşağıdakı mövzuları əhatə edir: “Maliyyə işinin təşkilinin müasir üsulları”, “Həmkarlar ittifaqlarının maliyyə fəaliyyətinə dair normativ-hüquqi aktlar”, “Həmkarlar ittifaqlarının maliyyə siyasəti”, “Müasir şəraitdə maliyyə işinin əsas prinsipləri və xüsusiyyətləri”,  “Azərbaycanda   müasir mühasibat uçotu tətbiqi : indiki və gələcəyi”, “AR Əmək Məcəlləsi: yeniliklər və əlavələr”, “Vergi qanunvericiliyinin xüsusiyyətləri”, “İcbari Tibbi Sığorta:  reallıq və perspektivlər”, “Həmkarlar ittifaqı təşkilatında vergiyə təqdim olan hesabatlar və onun hazırlanması qaydaları”, “Azərbaycan Respublikasında  pensiya sistemi təminatı haqqında”,  “Özəl pensiya fondları: Azərbaycanda yaranma perspektivləri, beynəlxalq təcrübə”, “Sosial sığorta haqqında qanun : yeniliklər və dəyişikliklər”, “Əlilliyin qiymətləndirilməsi qaydaları: yeniliklər dəyişikliklər, əlavələr”,  “Əlillərin sosial müdafiəsi haqqında Azərbaycan Respublikasının qanunu: yeniliklər, dəyişiklər, əlavələr”, “2023-cü ildə əməkhaqqı: qanuni tələblər”.

       Dövlət qurumlarından dəvət olunmuş mütəxəssislərin hər biri hazırlanmış təqdimatlar əsasında müvafiq mövzunun əsas aspektlərini ətraflı şəkildə qeyd etmiş, maliyyə işçilərini maraqlandıran sualları peşəkarcasına cavablandırmışlar. Bununla əlaqədar olaraq, Akademiya rəhbərliyi və iştirakçılar təlimdə fəal iştirakına görə, xüsusən də : Lətifə Əsədova - AR Maliyyə Nazirliyinin “Uçot siyasəti ” şöbəsinin müdir müavini, AR Əmək və Əhalinin Sosial Müdafiəsi Nazirliyinin əməkdaşları- Hacıyeva Fəridə - “Əmək siyasəti” şöbəsinin baş məsləhətçisi və Elçin Cəfərov –“Dövlət qulluğu və kadr məsələlər” şöbəsinin “Təlim və təhlil” sektorunun müdiri, Xəyal Qaçayev - Dövlət Əmək Müfəttişliyi Xidmətinin əmək müfəttişi, Faiq Qəmbərov - Dövlət Sosial Müdafiə Fondunun  Pensiya təminatı departamentinin “Müraciətlərə baxan” şöbəsinin müdiri, Arzuman Pirəliyev - Dövlət Sosial Müdafiə Fondunun  “Fərdi uçota nəzarət və sosial sığorta” departamenti sosial sığorta şöbəsinin mütəxəssisi, Tural Abbasov - AR İqtisadiyyat Nazirliyinin yanında Dövlət Vergi Xidmətinin Tədris Mərkəzinin Vergi qanunvericiliyinin tədris şöbəsinin baş müəllimi, Nicat Abasbəyli - Dövlət Tibbi-Sosial Ekspertiza və Reabilitasiya Agentliyinin  Keyfiyyətə nəzarət şöbəsinin əməkdaşı, Rahilə Muradova - Agentliyin İctimaiyyətlə Əlaqələr və Daxili Kommunikasiyalar şöbəsinin  əməkdaşı, Ləzifə Cavadova - 2 saylı Mərkəzi  Tibbi-Sosial-Ekspertiza Komissiyasının sədri, Sevil Əliyeva - İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin məsləhətçisinə minnətdarlıqlarını bildiriblər.

Həmkarlar ittifaqı təşkilatında maliyyə işinin təşkili, hesabatların və smetaların hazırlanması ilə əlaqədar çıxış ediblər: Əkbərova Hökümə - Azərbaycan Əmək və Sosial Münasibətlər Akademiyasının baş mühasibi və Əli Hüseynov - Təhsil işçilərin Azad HİRK-in maliyyə şöbəsinin müdir müavini .

Kursun proqramına psixoloq Səriyyə Feyzullayevanın iştirakı ilə “İşgüzar ünsiyyətin psixologiyası. İşgüzar sosial ünsiyyət dili. Effektiv danışıqlar” mövzusu  daxil edilmişdir.

Həmçinin kurs iştirakçılarına əmək hüququ üzrə praktiki məşğələ keçirilib, sonda tamamlanmış proqram üzrə müsahibə aparılıb.

 Kursun sonunda iştirakçılara sertifikatlar təqdim edilib və kollektiv şəkil çəkdirilib.