Azərbaycan Əmək və Sosial Münasibətlər Akademiyası və Dövlət Məşğulluq Agentliyinin birgə təşkilatçılığı ilə 23 dekabr 2024-cü il tarixində məzun və tələbələrlə karyera planlamasına dair görüş keçirildi. Tədbirin əsas məqsədi gənc mütəxəssislərin əmək bazarına uğurlu inteqrasiyasını dəstəkləmək, onların karyera inkişafı üçün yeni imkanlar yaratmaq və işəgötürənlərlə effektiv əlaqələr qurmaq idi.

Tədbir çərçivəsində Dövlət Məşğulluq Agentliyinin Mərkəzi Karyera filialının müdiri Toğrul Əkbər əmək bazarının müasir tələbləri, peşə bacarıqlarının artırılması və düzgün karyera planlamasının əhəmiyyəti barədə məruzələr təqdim etdi.

Həmçinin, məzunlar üçün xüsusi interaktiv sessiyalar və panel müzakirələr təşkil olundu. Sessiyalarda məzunlar işə qəbul prosesinin incəlikləri, CV hazırlığı, müsahibə texnikaları və şəxsi inkişafın əhəmiyyətinə dair dəyərli məsləhətlər aldılar.

Belə tədbirlərin mütəmadi olaraq keçirilməsinin, gənclərin peşəkar inkişafına və ölkənin insan kapitalının gücləndirilməsinə böyük töhfə verəcəyini vurğuladılar.

Görüş iştirakçıların böyük marağına səbəb oldu və gələcək əməkdaşlıqlar üçün yeni perspektivlər açdı. Sonda xatirə şəkli çəkdirildi.