Sonuncu gün, oktyabrın 4-də gənc həmkarlar ittifaqı işçiləri “AR Əmək Məcəlləsi : izah və şərhlər”  mövzusunu dinləyərək  , “Gənclər və həmkarlar ittifaqları: indiki və gələcək” mövzusunda blits oyunu  keçdilər. Oyun iştirakçıları aşağıdakı tapşırığı yerinə yetirməlidirlər: Gəncləri həmkarlar ittifaqına üzv olmağa necə motivləşdirmək lazımdır və bu gün onlara nə mane olur? İkinci tapşırıq isə Gənclər gələcəkdə həmkarlar ittifaqını necə görürlər?

AR Əmək Məcəlləsinin əsas müddəalarının izahı haqqında Fəridə Hacıyeva - AR Əmək və Əhalinin Sosial Müdafiə Nazirliyi aparatının “Əmək siyasəti” şöbəsinin “Əmək siyasətinin təkmiləşdirilməsi” sektorunun baş məsləhətçisi  əmək müqaviləsinin bağlanması ilə bağlı ətraflı izahat vermiş və sualları cavablandırmışdır, onun elektron sistemə keçidi, bu problemin həllində beynəlxalq təcrübə ilə tanışlıq barəsində fikirləri xüsusi maraq doğurmuşdur.

Blits-oyununu Cəmaləddin İsmayılov-“Xidmət-İş” Hİ Federasiyasının vitse-prezidenti  keçirdi, o, oyunun gedişatını, oyundan sonra necə etməli olduqlarını ətraflı izah etdi. Ayrılmış vaxtda qrupların hər birinin nümayəndələri öz təqdimatlarını təqdim etdilər. Bununla bağlı qeyd etmək lazımdır ki, qrupların hər biri həm həmkarlar ittifaqlarının gənclərin motivasiyasını həll etməyə nəyin mane olması məsələsində, həm də gənclər həmkarlar ittifaqı hərəkatının mütərəqqi gələcəyində aparıcı prioritetləri təqdim etdilər.

Təqdimatlar çox maraqlı keçdi, qruplar çox yaradıcı idi və gəncləri həmkarlar ittifaqına necə cəlb etməyin əsas yollarını, kadr hazırlığının rolunu və s.məsələləri qeyd etdilər. Təlimi Azərbaycan həmkarlar ittifaqı hərəkatında çoxillik təcrübəsi ilə xüsusi rolu olan  Cəmaləddin müəllim yekunlaşdıraraq, əsas məqamları vurğuladı və onların həyata keçirilməsi yolunda iştirakçıların çıxışlarını tamamladı,  nəticələrə yekun vurdu və onlara tapşırığı yerinə yetirməkdə yaradıcılıq yanaşmalara görə təşəkkür etdi.

Daha sonra dinləyicilər kursların nəticələrinə əsasən yekun söhbət aparıblar. Onlar həmçinin dəvət olunmuş bütün mütəxəssislərin  və müəllimlərin yüksək peşəkarlığını və savadını qeyd ediblər.

Gənc həmkarlar ittifaqı liderləri üçün belə zəruri kursların keçirilməsinə görə Azərbaycan Həmkarlar İttifaqları Konfederasiyasının və Akademiyanın rəhbərliyinə minnətdarlıqlarını bildirən kurs iştirakçıları belə kursların təşkilinin sistemli olmasını, hətta yerlərdə seminarların daha yaxşı təşkil olunmasını arzuladılar. Sonda dinləyicilərə sertifikatlar təqdim olunub və elektron formada metodiki vəsaitlər, şəkillər verilib.

Akademiyanın rəhbərliyi adından kursların bütün təşkilatçılarına və müəllimlərinə, Könül Mikayılzadə- Azərbaycan Respublikası Təhsil  İnstitutunun  “Təhsilin nəzəriyyəsi və tarixi ” şöbəsinin böyük elmi işçisi,  Gülnar Mir Hüseynova – AR Rəqəmsal İnkişaf və Nəqliyyat Nazirliyin İnnovasiya və Rəqəmsal İnkişaf Agentliyinin  baş layihə meneceri,  AR Rəqəmsal İnkişaf və Nəqliyyat Nazirliyin “Aztelekom” MMC əməkdaşlarınaa-  Heydər Şükürov şöbə müdiri, Kamran Hacıyev- Maliyyə departamentinin “ Büdcə və iqtisadi təhlili “ şöbəsinin  “Müştərilərlə hesablamalar” sektorunun mütəxəssisi, Rövşən  Qəniyev -  Dövlət Agentliyin Aparatının Rəqəmsal Məşğulluğunun təşkili departamentinin  müdiri, Jalə Həsənova  GİKM-in “Layihələrin və proqramların idarəedilməsi” şöbəsinin baş mütəxəssisi, İlahə Məstəliyeva- “Dayanıqlı və Operativ Sosial Təminat Agentliyinin Proqramlar və Layihələr” şöbəsinin mütəxəssisi, Jalə Həsənova  Gənclər İnkişafı və Karyera Mərkəzinin “Layihələrin və proqramların idarəedilməsi” şöbəsinin baş mütəxəssisi təşəkkürümü bildirirəm.

Təbii ki, beş gün ərzində təlimə  çox məsuliyyətlə yanaşan, hər bir mövzuya böyük maraq göstərən, bir sözlə, passiv dinləyici olmayan iştirakçıların özlərini qeyd etmək istiyərdim :  Ələkbərli Pərvanə, Vəliyev Samir, Beydullayev Tərlan, Əsədov Bəxtiyar, Şəmilzadə Orxan,  Bəxtiyarov Vüsal, Hüseynli Pərvin, Mehtiyeva Sabina, Əliyeva Aytac. Çox şadıq ki,  belə gənclər həmkarlar ittifaqına gəlir. Həmkarlar ittifaqı həyatında sizə uğurlar və qələbələr arzulayıram.