Kursun sonuncu günü II  Qarabağ müharibəsində həlak olan şəhidlərimizin Anım gününün kədərli tarixinə təsadüf edib. Əvvəlcə kursun dinləyiciləri qəhrəmanlarımızın əziz xatirəsini bir dəqiqəlik sükutla yad etdilər, sonra Muxtarov Orxan-Azərbaycan İdman Akademiyasının həmkarlar ittifaqı komitəsinin sədr müavini giriş sözü ilə çıxış etdi,axırda   hərbi hadisələrlə bağlı videoçarx nümayiş etdirildi. Tədbirin sonunda bütün iştirakçılar Azərbaycan Əmək və Sosial Münasibətlər Akademiyasının bu müharibədə həlak olan məzunlarının xatirəsini ehtiramla yad ediblər.

5 günlük kursların son günündə tələbələr şəxsi inkişafla bağlı birləşdirici həlqə olan mövzularla tanış olublar. Bu mövzulara aşağıdakılar daxil edilib: “İctimai natiqlik texnikaları”, “ Nitq vəziyyəti. Natiqin məqsədləri və imic”, “Auditoriyanın təhlili. Hazırlıq. Həyəcan”, “ Nitq yaratmaq və nitqə başlamaq.Nitqin quruluşu və bəzək vasitələri”, “İnandırma üsulları: arqumentasiya, hekayələr”, “Karyera idarəçiliyinin psixoloji xüsusiyyətləri”, “Təhsildə innovasiyalar: informasiya texnologiyaları mühitinin rolu”.

Müəllimlər və mütəxəssislər arasından çıxış edənlərin hər biri təlimlərə çox yaradıcı yanaşırdılar  və təlimlər elə qurulurdu ki, bütün dinləyicilər öz intellektual potensiallarını tam üzə çıxara bilirdilər. Könül- xanım, Bahar xanım - Təhsil İnstitutunun əməkdaşları öz təqdimatlarında aktual mövzuları açmaqla yanaşı, dinləyiciləri bu və ya digər problemin həlli yollarını tapmağa, ən əsası isə öz potensiallarını üzə çıxarmağa fəal şəkildə həvəsləndirə bilmişlər.Məsələn, təhsildə yeni innovativ texnologiyalara, nitq texnikasına, nitqinizi necə qurmaq, haradan başlamaq və s. Qeyd etmək lazımdır ki, Təhsil İnstitutunun müəllimləri öz peşələrinin əsl həvəskarlarıdır, tədris fənninin mənimsənilməsində yaradıcı və yeni təhsil texnologiyaları axtarışındadırlar. Məsələni tam başa düşmək üçün musiqi alətləri dəstini gətirən Bahar xanım dinləyiciləri xüsusilə razı saldı və şagirdlərin qarşısına musiqinin müşayiəti ilə istənilən mövzuda öz ifalarını qurmağı vəzifə qoydu. Çox maraqlı idi və hər kəs bu işə çox yaradıcılıqla yanaşdı. Pedaqoji Universitetin tələbələri, Dövlət İdarələri və İctimai Xidmət İşçiləri HİRK təlimatçıları, Azərbaycan Dəmir Yolunun, Mədəniyyət işçilərinin həmkarlar ittifaqının gənc sədrləri və təlimatçıları çox fəal idilər və onların hər biri ideya, intellektual fikirlərlə dolu idi.

Həmin günlərdə proqrama əlavə olaraq Azərbaycan Respublikası  Əmək Məcəlləsi ilə bağlı mövzu daxil edilib ki, həmin mövzunu da Nailə Qəhrəmanova – Azərbaycan Əmək və SMA “ Humanitar fənlər ” kafedrasının  müdiri onlarda işçilərin müdafiəsi və hüquqları ilə bağlı əsas məqamlar,işçilərinin  tərəfindən əmək müqaviləsinin bağlanması, məzuniyyətin verilməsi ilə bağlı kompensasiyaların , işəgötürənin və işçinin vəzifələri kimi bir çox suallara aydınlıq gətirib.

Son müzakirə “Gəncləri həmkarlar ittifaqında fəal olmağa necə həvəsləndirmək olar mövzusu idi ki, bunu da Abbasəli Rüstəmli - “Taghiyev Operating Company” MMC HİK-in  sədri onun təlimatçı kimi peşəkar təcrübəsinin xarakterik xüsusiyyəti əsasən təlimi aparıldı və ümumiləşdirdi.

Sonda dinləyicilərə sertifikatlar təqdim olundu və onların hər biri belə kursların təşkili ilə bağlı arzularını bildirdilər, bütün təşkilatçılara Akademiyanın əməkdaşlarına, müəllimlərə və təlimçilərə böyük təşəkkürünü və onlara bu fəaliyyətdə, yəni peşəkar gənc həmkarlar ittifaqı liderlərinin hazırlanmasında uğurlar arzuladılar.