Sentyabrın 6-da yeni seçilmiş həmkarlar ittifaqı komitələrinin sədrləri və komitə üzvləri üçün 5 günlük kurs başa çatıb. Bu kurs zamanı onlar “Həmkarlar ittifaqı komitələrinin maliyyə işi: xüsusiyyətləri və əsas istiqamətləri”, “Sosial-iqtisadi münasibətlərin tənzimlənməsi və həmkarlar ittifaqlarının rolu”, “Kollektiv müqavilə: strukturu və məzmunu”, “Rəhbər  və menecment: mahiyyəti, xüsusiyyətləri və beynəlxalq təcrübə”, “Uğurlu lider: xarakterik xüsusiyyətlər, prioritet sahələr, əsas cəhətlər”, “İnformasiya işində həmkarlar ittifaqı liderinin rolu”, “Münaqişələr və həlli yolları” mövzularında praktik məşğələlərdə iştirak ediblər.

Yekun məşğələ Abbasəli Rüstəmli-–“Tağiyev Operating Company” MMC HİK sədri - və Hacıyeva Məsməxanım - “Senur” psixoloji Mərkəzin psixoloqu  tərəfindən aparılmışdır. Dinlənilmiş proqram üzrə müsahibə aparılmış, sonra sertifikatlar təqdim olunmuşdur. Dinləyicilərin hər  biri anket doldurub kursların tədris proqramını qiymətləndirdi. Belə kursların istər Bakıdakı müəssisələrdə, istərsə də respublikanın rayonlarında yerli-yerində təşkili ilə bağlı təkliflərini bildirdi.

Dinləyicilər  məşğələlərinin keyfiyyətli və məhsuldar keçirilməsinə görə ali təhsil ocaqlarından, dövlət qurumlarından və həmkarlar ittifaqı orqanlarından olan bütün mühazirəçilərə, təlimatçılara və mütəxəssislərə də öz minnətdarlığını  bildiriblər.

Ənənəyə uyğun olaraq, həmin günlərdə Akademiyanın rektoru Hüseyn Qaraşov dinləyicilərlə görüşüb, Akademiyanın fəaliyyəti barədə məlumat verib, həmkarlar ittifaqı təşkilatları sədrlərin müəssisənin və təşkilatlarının  həmkarlar ittifaqı üzvlərinin hüquqları və mənafələrinin   müdafiəsində diqqət mərkəzində olsun.

Kursun iştirakçılarının hər birinə keçilən mövzular üzrə metodiki vəsaitlər, onların kurslarda qalması ilə bağlı görüntülər elektron şəklində verilmişdi.

Bizə gəlincə  kurslarda fəal iştirak etdikləri üçün bütün müəllim heyəti və dinləyicilərə minnətdarlığımızı bildiririk və onlara yeni fəaliyyətlərində uğurlar arzulayırıq. Uğurlar, həmkarlar ittifaqı komitəsinin sədri! Yolun açığ olsun!