27 may 2024-cü il tarixdə Azərbaycan Əmək və Sosial Münasibətlər Akademiyasında Tələbə Elmi Cəmiyyətinin ümummilli lider Heydər Əliyevin anadan olmasının 101-ci ildönümünə həsr olunmuş “Azərbaycanda kiçik və orta biznesə dövlət dəstəyi, onun inkişaf meyilləri” mövzusunda bakalavr və magistrantların Respublika elmi-praktiki konfransı keçirilmişdir. Konfransı Akademiyanın “Tədris və elmi işlər” üzrə prorektoru prof. Fərhad Möhbalıyev açmış, ulu öndər haqqında videoçarx izlənilmişdir. Konfrans öz işini “İqtisadiyyat”, “Maliyyə və mühasibat, “Humanitar və sosial elmlər”, “İKT və təbiət elmləri” bölmələrində davam etdirmişdir. Konfransda ölkənin 8 ali təhsil müəssisəsindən 70 nəfər elmi məruzə etmişlər. Konfransda iştirak edən Bakı Biznes Universiteti, Azərbaycan Texniki Universiteti, Sumqayıt Dövlət Universiteti, Bakı Dövlət Universiteti, Azərbaycan Dövlət İqtisad Universiteti, Azərbaycan Universiteti, Xəzər Universiteti, Azərbaycan Əmək və Sosial Münasibətlər Akademiyasının tələbələri elmi məruzələr etdiklərinə görə sertifikatlarla təltif edilmişlər.