2024-cü il aprelin 3-dən 5-dək sahə  həmkarlar ittifaqı orqanlarının təşkilati işi və məlumat şöbəsinin işçiləri üçün 3 günlük kurslar başlayıb.

Kurs proqramı təşkilati işlərin müasir tələbləri və onların təkmilləşdirilməsi perspektivləri nəzərə alınmaqla hazırlanmışdır. Beləliklə, proqrama aşağıdakı mövzular daxil edildi: "Motivasiya" termini bizim üçün nə deməkdir?(Həmkarlar ittifaqının əsas sosial (status) qrupları və onların motivasiyası. Həmkarlar ittifaqında fərdin motivasiyasına təsir edən səbəblər ) İşçilərin həmkarlar ittifaqına cəlb edilməsinin effektiv üsulları),  “Həmkarlar ittifaqı təşkilatının təşkilati işinin nəzəriyyəsi və təcrübəsi”,  “Həmkarlar ittifaqlarının təşkilati gücləndirilməsi, informasiya və kadr siyasəti”, “Həmkarlar ittifaqı fəaliyyətinin idarəetmə prinsipləri. Anlayışlar: “təşkilat”, “idarə olunan və idarə olunan alt sistemlər”. “Təşkilatın xarakterik xüsusiyyətləri “İdarəetmə qərarı” anlayışı,” “AR Əmək qanunvericiliyi”, “Liderin universal sosial səriştələri (sərt və çevik bacarıqlar)”, “ Rəhbərin “sərt bacarıqları” və “çevik bacarıqları” nədir?, “Fəaliyyətin planlaşdırılması alqoritmləri, birgə işin təşkili növləri, nəzarət formaları, effektiv qərarların qəbul edilməsi və proseslərin əlaqələndirilməsi” və s., “PR texnologiyaları və təşkilat: əsas istiqamətlər, icra, problemlər və perspektivlər”. Təbliğatın məqsədləri və üsulları (PR, reklam və təbliğat),  “Rəqəmsallaşma dövründə kadr hazırlığı və inkişafı”.

          Bu mövzular üzrə təcrübəli mütəxəssislər dəvət olunub: Məsməxanım Hacıyeva- “İNCİ” Psixoloji Mərkəzinin psixoloqu, Aysan Məmmədova – AR Prezidenti yanında Dövlət İdarəçilik  Akademiyasının “Dövlət  idarəetməsi  və menecment” kafedrasının müəllimi, Elşad Əliyev-AR Əmək və Əhalinin Sosial Müdafiəsi Nazirliyinin “Dövlət qulluğu və kadr məsələləri” şöbəsinin müdir müavini, İlqar Əhmədov - DOST Agentliyinin “İctimaiyyətlə əlaqədar və kommunikasiya” departamentinin baş mütəxəssisi, Yeganə Nəsibova -  AR Rəqəmsal İnkişaf və Nəqliyyat Nazirliyinin  İnsan kapitalının idarəolunması departamentinin “Təşkilati inkişaf” şöbəsinin müdiri. Hər mütəxəssis  çıxışlarını müvafiq təqdimatlarla ediblər.

          Həmkarlar ittifaqı mövzularında əsas diqqət təşkilati işin əsaslarına və statistik hesabatların hazırlanmasına yönəldilib. Bu məsələlərlə bağlı nəzəri, həm də praktiki izahat verən və müvafiq blankları doldurmaq,   eyni zamanda iş təcrübələrini bölüşmək üçün  Mirzə Cəfərzadə - Təhsil iş. Azad HİRK-in sədr müavini  və Elxan Şahverdiyev AHİK-in  “Təşkilat işləri və məlumat ”şöbəsinin mütəxəssisi dəvət olunmuşlar. Hər iki məşğələ fəal müzakirə şəraitində keçdi.

          2024-cü ildə bütün həmkarlar ittifaqı təşkilatlarında hesabat-seçki yığıncaqlarının (konfranslarının) keçirilməsinin nəzərdə tutulduğu nəzərə alınaraq, bu mövzunun izahına, bəzi həmkarlar ittifaqı orqanlarının iş təcrübəsi ilə tanışlığa xüsusi diqqət yetirilmişdir. Xüsusilə, bu mövzuda Hikmət Osmanov – Dövlət İdarələri və İctimai Xidmət işçiləri HİRK-in sədri çıxış edərək, onların həmkarlar ittifaqı orqanları tərəfindən hazırlanmış təlimat və metodik materialların izahı ilə bağlı ətraflı məlumat  çatırdı.Bütün materiallar kurs iştirakçılarına paylanılıb.

          Yekun gün isə dinləyicilər üçün diskussiya: “Həmkarlar ittifaqının təşkilatının inkişafı: reallıq və perspektivlər” və “Həmkarlar ittifaqı təşkilatının inkişafının yeni yanaşmalar: reallıq və perspektivlər” mövzuları üzrə panel müzakirələri aparılıb. Müzakirədə Əli Cəfərov – AHİK-in “Təşkilat işləri və məlumat” şöbəsinin müdir müavini iştirak etdi. Müzakirələrin sonunu Əli Cəfərov yekunlaşdırıb, iştirakçılar müzakirə olunan məsələlərlə bağlı təkliflərini bildiriblər.         

          Kursun sonunda həmkarlar ittifaqı məsul işçilərinə sertifikatlar təqdim olunub. İştirakçıların hər biri məşğələlərinpeşəkarlıqla keçirilməsinə və fəal iştirakına görə AHİK-in rəhbərliyinə, Dövlət İdarələri və İctimai Xidmət işçiləri və  Təhsil iş. HİRK-nin,  Akademiyaya və dövlət qurumlarının nümayəndələrinə minnətdarlıqlarını bildiriblər.