20 dekabr 2023-cü il tarixində İqtisadi Əməkdaşlıq Təşkilatı Təhsil İnstitutu tərəfindən “İƏT Regionunun Universitetlərinin Yüksək Səviyyəli Nümayəndələrinin 2-ci Forumu” keçirilmişdir.

Yüksək Səviyyəli Universitet Nümayəndələrinin Forumu ali təhsil üzrə regional əməkdaşlıqla bağlı imkanları və problemləri müzakirə etmək üçün yüksək səviyyəli platforma yaratmaq məqsədi daşıyır. Forumda beynəlxalq tələbələrin yeni mühitə uyğunlaşması ilə bağlı qarşılaşdıqları gündəlik çətinliklərə diqqət yetirmək, regionda ali təhsilin beynəlmiləlləşməsini dəstəkləmək üçün problemlərin müəyyən edilməsi və müvafiq, faydalı və davamlı metodların işlənib hazırlanması məsələləri yer almışdır.

Virtual qaydada həyata keçirilən Forumda dünyanın bir çox universitetlərinin əməkdaşları ilə yanaşı Azərbaycan Əmək və Sosial Münasibətlər Akademiyasının əməkdaşları “İnnovasiya və karyera” şöbəsinin müdiri Hikmət Mirzəyev, “İqtisadiyyat və idarəetmə” kafedrasının dosenti Hüseyn Bağırsoylu iştirak etmişlər.