2023-cü ilin “Heydər Əliyev”ili  elan edilməsi ilə bağlı “Tədbirlər Planı”nın icrası ilə əlaqədar olaraq “Riyaziyyat və informasiya texnologiyaları” kafedrasının təşkilatçılığı ilə 29 noyabr 2023-cü ildə “İKT və cəmiyyət” mövzusunda Tələbə Elmi-Praktiki konfrans keçirilmişdir. Konfransın başlanğıcında Azərbaycan Respublikasının Dövlət Himni səsləndirildi, sonra şəhidlərimizin xatirəsi yad edildi. İlk olaraq “Riyaziyyat və informasiya texnologiyası” kafedrasının müdiri, dos.Niyar Əvəz qızı Umarova konfrans haqqında iştirakçılara məlumat verdi, daha sonra ulu öndər Heydər Əliyevin həyat və yaradıcılığına və uğurlu nailiyyətlərinə aid videoçarx nümayiş etdirildi.

Keçirilən konfransda kafedranın professor-müəllim heyətinin rəhbərliyi ilə 13 nəfər tələbə o cümlədən - “Maliyyə-iqtisad” fakültəsinin 7 tələbəsi (Rüstəmova Fatimə, Musayeva Fidan, Nəsirova Dinarə, Usubova Nəzrin, Cəfərova Albina, Bədəlova Həbibə, Mənsimova) “Sosial iş” fakültəsinin 6 tələbəsi (Məmmədov Ayxan, Həsənzadə Pünhan, Rəşidli Elnur, Salayeva Heyran, Abdullayev Zəka, Xammədov Yusif) maraqlı videoçarxlarla konfransda çıxış etmişlər.

Konfransın sonunda “Maliyyə-iqtisad” fakültəsinin dekanı, dos. N.Y.Mikaylova çıxış edərək  “Riyaziyyat və informasiya texnologiyaları” kafedrasının əməkdaşlarına və çıxış edən tələbələrə öz təşəkkürünü bildirdi. Sonda konfrans iştirakçılarına sertifikatlar təqdim olundu.