“Təmiz Dünya” Qadınlara Yardım İctimai Birliyi BREN proqramı çərçivəsində “Azərbaycanda qadınlara qarşı zorakılığın qarşısının alınması və onunla mübarizə tədbirlərinin gücləndirilməsi” layihəsi çərçivəsində Azərbaycan Əmək və Sosial Münasibətlər Akademiyasının Sosial iş ixtisası üzrə təhsil alan tələbələri “Məişət zorakılığı törədən şəxslərlə sosial işin təşkili” və BDU-nun Psixologiya ixtisası üzrə təhsil alan sonuncu kurs tələbələri üçün “Məişət zorakılığı törədən şəxslərlə psixoloji işin təşkili” mövzusunda təlimlər keçirmişdir. Ümumilikdə 4 günlük təlimdə 60 nəfər iştirak edib. Zorakılığın mahiyyəti, zorakılıq törədən şəxslərin xüsusiyyətləri, tipləri, zorakılıq mühiti, mədəni və sosial faktorlar, o cümlədən məişət zorakılığı törətmiş şəxslərlə iş üçün müdaxilə proqramının (Dulut Modeli əsasında) təqdimatı təlim iştirakçıları ilə müzakirə edilib. Təlimdə zorakılıq törətmiş şəxslərlə simulyativ oyun rolları da istifadə edilib. 

Təlimlər Ailə, Qadın və Uşaq Problemləri üzrə Dövlət Komitəsi ilə əməkdaşlıq çərçivəsində keçirilərək, Məişət Zorakılığı ilə Mübarizəyə dair 2020–2023-cü illər üzrə Milli Fəaliyyət Planının   12.2.4. və 12.6.2. yarimbəndlərinin icrasına dəstək məqsədi daşıyıb.

Təlimin sonunda Azərbaycan Əmək və Sosial Münasibətlər Akademiyasının “Sosial iş” fakültəsinin tələbələri sertifikatlarla təltif olunub.