23.10.2023-cü il tarixdə 2 aylıq kursun dinləyiciləri Həmkarlar İttifaqı Birliyinin "Azərişıq" ASC iş təcrübəsi ilə tanış olublar.

Kurs iştirakçılarını Yerli sənaye və kommunal-məişət  müəssisələri işçilərinin HİRK-nin Katibi və baş texniki əmək müfəttişi İsmayılov İsmayıl və Həmkarlar İttifaqı Birliyinin sədri Məcidov Elşən qarşıladılar. Təcrübə mübadiləsi  “ Azərişıq” Tədris və İnnovasiya Mərkəzində keçirilmişdir.

Həmkarlar İttifaqı Komitəsinin sədri Elşən müəllim giriş sözü ilə bütövlükdə Birliyin fəaliyyəti haqqında geniş  məlumat verdi. O, Həmkarlar İttifaqı təşkilatının strukturu, Həmkarlar İttifaqı fəalları ilə iş, kollektiv müqavilənin bağlanması, Həmkarlar İttifaqı Komitəsi ilə işəgötürənlərin birgə işi barədə məlumat verib. O, həmçinin işçilərin və onların ailə üzvlərinin sağlamlığının qorunması, istirahətinin təşkili ilə bağlı ətraflı çıxış edib.

Praktiki məşğələnin davamında İsmayıl İsmayılov əməyin mühafizəsi və təhlükəsizlik texnikası məsələlərinə toxundu. Tədris Mərkəzinin əməkdaşı Ayşən Həmidova əməyin mühafizəsi və işçilərin təhlükəsizliyinə aid olan bütün eksponatları ətraflı təsvir edib.

Sonra Elşən Məcidov və İsmayıl müəllim dinləyicilərdən Ağayeva Təbəssüm, Əliyev Əyyub, Cahangirzadə Rövşən, Hüseynov Sabirin suallarını cavablandırıblar. Müzakirə zamanı həmkarlar ittifaqı işçiləri həmkarlar ittifaqı işi ilə bağlı təcrübələrini bölüşüblər.

Kursun sonunda Azərbaycan Əmək və Sosial Münasibətlər Akademiyası və kurs iştirakçıları adından Yerli sənaye və kommunal-məişət  müəssisələri işçilərin HİRK-nin və "Azərişıq" Açıq Səhmdar Cəmiyyəti rəhbərliyi, həmkarlar ittifaqı birliyinin sədri Məcidov Elşən  kursun yüksək səviyyədə təşkilinə və səmərəli keçirilməsinə görə minnətdarlığını bildirib. Kursun sonunda kollektiv şəkil çəkdirildi.