04.11.2023-cü il tarixdə Azərbaycan Əmək və Sosial Münasibətlər Akademiyasında HİH və sosial fənlər kafedrasının müəllimi Kənan Abbasovun təşkilatçılığı ilə “Sosial iş” fakültəsinin tələbələri üçün "Dəyişikliyi gözləmə, özün dəyişiklik et" mövzusunda təlim baş tutmuşdur. Təlimçi qismində Nərmin Qəniyeva iştirak etmişdir.

Nərmin Qəniyeva, Azərbaycan Sahibkarlar Konfederasiyasında Baş Katibin müavini vəzifəsində çalışır. Bundan öncə Əmək və Əhalinin Sosial Müdafiəsi nazirliyi tabeliyində Dövlət Tibbi Sosial Ekspertiza və Reabilitasiya Agentliyində İdarə Heyəti sədrinin müşaviri, Azərbaycan Banklar Assosiasiyasında Layihələr üzrə direktor, Azərbaycan Risk Peşəkarları Assosiasiyasında İcraçı direktor, “ARPA Consulting” MMC-də direktor vəzifələrdə çalışıb.

Məlumat üçün bildirək ki, Nərmin Qəniyeva “Üçüncü Bahar” yaşlılara dəstək ictimai birliyinin həmtəsiçisi və İdarə Heyətinin sədri vəzifəsini daşıyır. O, Qərb Universitetində Siyasi Elmlər, Politologiya üzrə məzundur. Beynəlxalq Əmək Təşkilatının rəsmi təlimçisi, bizneslərin inkişafında mentor və konsultant fəaliyyəti ilə məşğuldur.