13.10.2023-cü ildə  2 aylıq kursun dinləyiciləri Azərbaycan Respublikası Dövlət Statistika Komitəsi tərəfindən həmkarlar ittifaqı təşkilatlarının iş təcrübəsi ilə tanış olublar. Kurs iştirakçılarını həmkarlar ittifaqı komitəsinin sədri Şıxəli Dadaşov və müavini Nərgizxanım Məmmədova qarşıladılar. Kursu giriş sözü ilə həmkarlar ittifaqı komitəsinin sədri açaraq bütövlükdə Komitənin fəaliyyəti haqqında, sonra həmkarlar ittifaqı təşkilatının fəaliyyəti barədə geniş məlumat verdi. O, həmkarlar ittifaqı təşkilatının strukturu, həmkarlar ittifaqı fəalları ilə iş, kollektiv müqavilənin bağlanması, həmkarlar ittifaqı komitəsi ilə işəgötürənlə birgə işi barədə məlumat verib. Daha sonra Məmmədova Nərgizxanım keçirilən mədəni-kütləvi tədbirlərdən, kollektiv üzvləri üçün istirahət mərkəzinin təşkilindən danışıb. Həm Şıxəli müəllim, həm də Nərgizxanım dinləyicilərdən Cəfərova Günel, Əliyev Əyyub, Cahangirzadə Rövşən, Bağırov Kəmaləddinin suallarını cavablandırıblar. Müzakirə zamanı həmkarlar ittifaqı işçiləri həmkarlar ittifaqı işi ilə bağlı təcrübələrini bölüşüblər.

Kursun sonunda həmkarlar ittifaqı işçilərinin hazırlanması və ixtisasartırma şöbəsinin müdiri Maniyeva Raziyə Azərbaycan Əmək və Sosial Münasibətlər Akademiyası  və kurs iştirakçıları adından Dövlət idarələri və ictimai xidmət işçiləri HİRK sədri  Hikmət Osmanova öz minnətdarlığını bildirib.

Statistika Komitəsi Tair Budaqova və həmkarlar ittifaqı təşkilatının rəhbərləri Şıxəli Dadaşova və Nərgizxanım Məmmədova kursun yüksək səviyyədə təşkilinə və səmərəli keçirilməsinə görə minnətdarlığını bildirib.

Praktik dərs xüsusi ayrılmış təlim  otağında keçirildi. Kursun sonunda kollektiv şəkil çəkdirildi.