11-13 sentyabr tarixlərində Erasmus+ “İris” otelində növbəti təlim keçirdi. Treninq 3 gün davam etdi. Tədbiri giriş sözü  ilə ESN Azərbaycanın sədri Əli Tağıyev açdı. Treninqdə ESN Azərbaycanın layihə meneceri Kübra Rəsul, Azərbaycan Elm və Təhsil Nazirliyinin beynəlxalq əlaqələr şöbəsinin əməkdaşları- Zaur Cəfərli, Vüsalə Hüseynova, Azərbaycanın Milli Erasmus+ ofisinin direktoru  Pərviz Bağırov və Azərbaycanın otuza yaxın universitetlərinin “Beynəlxalq əlaqələr” şöbələrinin əməkdaşları, o cümlədən də Azərbaycan Əmək və Sosial Münasibətlər Akademiyasının “Beynəlxalq əlaqələr” şöbəsinin müdiri Mahir Calalov, “Tədris və keyfiyyətin təminatı” şöbəsinin müdiri Pərvin Məmmədova və “Qiyabi, əlavə təhsil və əcnəbi tələbələrlə iş” şöbəsinin əməkdaşı Aysel Zakirli iştirak etmişlər.

Treninqin birinci günü Tbilisi Dövlət Universitetinin “Xarici əlaqələr departamenti”nin rəhbəri xanım Tea Gergedava “Ali təhsildə potensialın gücləndirilməsi üzrə fəaliyyət”, “Tərəfdaşların tapılması və yaradılması” və “Risklərin idarə edilməsi, yayılması və hesabatın verilməsi” kimi mövzularla təqdimat etdi.

Treninqin ikinci günü Mərmərə Universitetinin Beynəlxalq Təhsil üzrə mütəxəssisi Güldən Bulut Erasmus+ proqramı çərçivəsində və xaricində “Strateji kommunikasiya və beynəlxalq tərəfdaşlığın qurulması” mövzusunda mühazirə oxudu.

Treninqin üçüncü günü Mariupol Dövlət Universitetinin Beynəlxalq Təhsil Mərkəzinin direktoru İrina Sikorskaya “Erasmus+ və Jean Monnet layihə növləri, metodologiyası və iş paketləri” haqında çıxış etdi.

Treninq açıq müzakirə ilə başa çatdı və sonda treninq iştirakçılarına Erasmus+ beynəlxalq sertifikatları təqdim olundu.