“2023-cü ilin Heydər Əliyev ili” elan edilməsi ilə bağlı “Tədbirlər Planı”nın icrası ilə əlaqədar olaraq “Riyaziyyat və informasiya texnologiyaları” kafedrasının 2023-cü ildə keçirəcəyi tədbirlər sırasında nəzərdə tutulan - “Heydər Əliyev və təhsil” mövzusunda “Dəyirmi masa” ətrafında müzakirələr -  06.04.2023-cü il tarixdə keçirilmişdir. İlkin olaraq “Riyaziyyat və informasiya texnlogiyası” kafedrasının müdiri, tex.f.d. Niyar Əvəz qızı Umarova tədbir barədə iştirakçılara məlumat verdi, sonra dahi şəxsiyyət H.Əliyevin həyat və yaradıcılığına, təhsildə tətbiq etdiyi uğurlu nailiyyətlərə aid videoçarx göstərildi. Daha sonra kafedranın müəllimi Təranə Həsənəli qızı Vəliyeva “Heydər Əliyev və təhsil” mövzusunda video-təqdimatla çıxış edərək, H.Əliyevin Azərbaycan təhsilində gördüyü işlər barədə ətraflı şəkildə məlumat verdi. Tədbirdə kafedranın müəllimi Sayad Əmirhüseyn qızı Eldarova “Heydər Əliyev təhsilin himayədarıdır” adlı mövzusu ilə çıxış etdi. Kafedranın müəllimi riy.f.d. Firanə Mənsim qızı Məmmədovanın rəhbərliyi ilə magistrant Əlirza Aqil oğlu Abdullayev “Azərbaycanda tədqiqat bacarıqlarına əsaslanan təhsil” mövzusunda video-təqdimatla çıxış edərək, mövzu ilə əlaqədar əhatəli şəkildə maraqlı məlumat verdi.