24.01.2023 tarixdə Bakı Ali Neft Məktəbində Azərbaycan Respublikası Elm və Təhsil Nazirliyi, Bakı Ali Neft Məktəbi və Milli Erasmus Ofisinin birgə təşkilatçılığı ilə Erasmus Praktik Seminarı keçirilmişdir.

Tədbirdə AƏSMA-dan Beynəlxalq Əlaqələr şöbəsinin müdiri dos.Mahir Calalov və iqtisadiyyat kafedrasının müəllimi Aytən Ağayeva iştirak etmişdir.​

Tədbir giriş sözü ilə BANM-nın rektoru Elmar Qasımov açmışdır. Tədbir iştirakçılarını Elm və Təhsil Nazirinin Beynəlxalq əməkdaşlıq şöbəsinin müdiri Tural Əhmədov salamlamışdır. ​Azərbaycan Milli Erasmus Ofisinin rəhbəri Pərviz Bağırov Erasmus+ proqramı barədə geniş məlumat vermişdir. Daha sonra Bakı Ali Neft Məktəbinin, Erasmus+ və Beynəlxalq Proqramlar ofisinin rəhbəri Humay Azayeva Bakı ANM-də Erasmus+ fəaliyyəti barədə çıxış etmişdir.

Tədbirdə Bakı Biznes universitetinin Beynəlxalq Əlaqələr üzrə prorektoru Eşqin Bayramov və Bakı Biznes Universitetinin Sənayə əməkdaşlığı departamentinin direktoru Gülşən Bayramova KAZ layihələrinin yazılması və idarə olunması (ECAR və EQAC layihələri) mövzusunda çıxışını davam etdirmişlər.

​Tədbirin II hissəsində Azərbaycan Milli Erasmus Ofisinin rəhbəri Pərviz Bağırov, Bakı Biznes Universitetinin Beynəlxalq Əlaqələr üzrə prorektoru Eşqin Bayramov və Bakı Biznes universitetinin Sənayə əməkdaşlığı departamentinin direktoru Gülşən Bayramova “FTOP platformasının istifadəsi praktik təlim” barədə görüş iştirakçılarını ətraflı məlumatlandırmışdılar.

​Tədbirin yekununda Pərviz Bağırov, Eşqin Bayramov və Gülşən Bayramova KAZ layihəsinin büdcəsinin yazılması qaydalarını ətraflı izah etmişlər. Tədbir sual-cavab ilə yekunlaşmışdır.