21.12.2022-ci tarixdə “Gələcəyə hazır ol!” devizi ilə keçirilən forumda “Karyera Mərkəzlərinin yaratdığı fürsətlər”, “Peşəkar karyera mühitində yeni çağırışlar”, “İş mühitində davamlı inkişafı necə təmin etməli” adlı 3 panel üzrə peşəkar zəmində müzakirələr aparılıb.

Forumda Əmək və Əhalinin Sosial Müdafiəsi naziri Sahil Babayev, Elm və Təhsil naziri Emin Əmrullayev, Gənclər və Idman Naziri Fərid Qayıbov, Dövlət İmtahan Mərkəzinin Direktorlar Şurasının sədri Məleykə Abbaszadə, millət vəkilləri, dövlət və özəl qurumların nümayəndələri, karyera məsləhətçiləri, yerli və xarici spikerlər, insan resursları mütəxəssisləri, top menecerlər, təhsil ekspertləri, inkişaf mentorları iştirak ediblər.

Forumun birinci hissəsində Əmək və Əhalinin Sosial Müdafiəsi naziri Sahil Babayev bildirdi ki, ölkəmizdə hər il əmək bazarına on minlərlə gənc daxil olur. Əmək bazarının inkişafı, aktiv məşğulluq proqramlarının genişləndirilməsi üçün mühüm addımlar atılır. Bu ilin may ayında əmək və məşğulluq sahəsində islahatların yeni mühüm mərhələsinə keçidi təmin edən “Əmək və Məşğulluq” altsisteminin istifadəyə verilməsi də buna nümunə olduğunu bildirdi. Elm və təhsil naziri Emin Əmrullayev, gənclər və idman naziri Fərid Qayıbov, Dövlət İmtahan Mərkəzinin Direktorlar Şurasının sədri Məleykə Abbaszadə, dövlət məşğulluq agentliyinin idarə heyətinin sədri Mustafa Abbasbəyli müzakirələr apardılar. Məleykə Abbaszadə çıxışı zamanı Gənclər və İdman Nazirliyi ilə Elm və Təhsil Nazirliyi birgə yeni yeni metodikanın tətbiqinə başlayacaqlarını bildirdi. Ölkə başçısının təşəbbüsü ilə keçirilən “Yüksəliş” müsabiqəsi də buna xidmət etdiyini bildirdi. Dövlət Məşğulluq Agentliyinin sədri Mustafa Abbasbəyli təhsil sisteminin bu mövzuda əsas rol oynadığını qeyd etdi və bu forumun keçirilməsinin qurumlararası inteqrasiyanın önəmindən bəhs etdi.

Forumda Azərbaycan Əmək və Sosial Münasibətlər Akademiyasının İnnovasiya və karyera şöbəsinin müdiri Hikmət Mirzəyev də iştirak etmişdir.