Erasmus+ proqramı çərçivəsində Ali Təhsildə Potensialın gücləndirilməsi profili üzrə (2021-2027) məlumatlandırma sessiyası 16 dekabr 2022-ci il tarixində Xəzər Universitetində təşkil edilib.

Tədbirdə Azərbaycan Respublikasının Elm və Təhsil Nazirliyi, Təhsildə Keyfiyyət Təminatı Agentliyi və 35 ali təhsil müəssisəsinin nümayəndəsi iştirak edib. Azərbaycan Əmək və Sosial Münasibətlər Akademiyasından Beynəlxalq əlaqələr şöbəsinin müdiri dosent Mahir Calalov və İqtisadiyyat fakültəsinin əməkdaşı Rəşid Yelmarlı iştirak edib. 

Milli Erasmus+ Ofisinin təşkilatçılığı ilə keçirilən məlumatlandırma sessiyasında ofisin direktoru Pərviz Bağırov ali təhsildə Erasmus+ proqramları, o cümlədən mobillik, Jean Monnet (CBVET, EMJM/EMDM) və potensialın gücləndirilməsi üzrə yeni çağırışların xüsusiyyətləri haqqında ətraflı məlumat verib. P.Bağırov əlavə edib ki, onların ofisi və internet saytları (www.erasmusplus.org.az), həmçinin Facebook səhifələri (www.facebook.com/nationalerasmusplusofficeinazerbaijan) vasitəsilə mütamadi məlumatlar paylaşılır.

Daha sonra Elm və Təhsil Nazirliyinin Elm, ali və orta ixtisas təhsili şöbəsinin baş mütəxəssisi Vüsalə Qurbanova ali təhsildə potensialın gücləndirilməsi üçün Azərbaycanın milli prioritet istiqamətləri haqqında təqdimatla çıxış edib.

Təqdimatın sonunda iştirakçıların sualları cavablandırılıb.