15.11.2016-cı il tarixində Azərbaycan Əmək və Sosial Münasibətlər Akademiyasında  Azərbaycan Respublikası Prezidenti yanında Gənclər Fondunun elan etdiyi 8-ci qrant müsabiqəsi çərçivəsində “Gələcək naminə erkən nikaha son” adlı layihənin növbəti mərhələsi keçirilib. Tədbiri Akademiyanın Tədris işləri üzrə prorektoru Sirac Məmmədov açaraq erkən nikahların yaratdığı fəsadlardan,  “Gələcək naminə erkən nikaha son” adlı layihənin əhəmiyyətindən danışıb. Sonra layihənin rəhbəri Azərbaycan Respublikası Kinematoqrafçılar İttifaqının mətbuat xidmətinin rəhbəri Əli Vəliyev, Azərbaycan Uşaqlar Birliyinin sədr müavini Vasif Akifli, araşdırmaçı, jurnalist Seymur Verdizadə və “Space” telekanalının Xəbərlər departamentinin müxbiri Famil Fərhadoğlu çıxış ediblər. Tədbirin sonunda tələbələri maraqlandıran suallar cavablandırılıb.