Azərbaycan Əmək və Sosial Münasibətlər Akademiyasının Magistratura şöbəsinin müdiri f.f.d., dos. Zeynəddin Şabanov Türkiyə Respublikasının Ege Universitetinin "Uluslararası Türkiyə-Rusiya ilişkiləri” mövzusunda təşkil etdiyi simpoziumda çıxış etmişdir. İnternet üzərindən beynəlxalq  tədbirə qoşulan Z.Şabanov  “Sosial siyasət rifah göstəricisi kimi” adlı məruzəsində ölkənin əhalinin sosial ehtiyac və tələbatlarının ödənilməsi, sosial müdafiə sisteminin təkmilləşdirilməsi, pensiya sisteminin maliyyə dayanıqlılığı, yardım sisteminin müasirləşdirilməsi və şaxələndirilməsi üçün beynəlxalq standartlara cavab verən və sosial ədalət prinsipinə əsaslanan sosial siyasətini ətraflı təhlil etmiş, sosial islahatlarının maliyyə təminatının yaxşılaşdırılması, büdcədən bu məqsədə ayrılan vəsaitin həcminin ildən ilə yüksəldilməsi, işsizliyin aradan qaldırılması, məşğulluğun artırılması sahəsində, şəhid ailələri, əlillər, müharibə veteranları, qazilər, aztəminatlı və çoxuşaqlı ailələr, kimsəsiz qocalar,valideyn himayəsindən məhrum olmuş uşaqların sosial müdafiəsinin gücləndirlilməsi üçün mütəmadi olaraq zəruri addımlar atıldığını, lazımi tədbirlərin həyata keçirildiyini vurğulamışdır. Məruzəçi cəmiyyətdə sosial lift rolunu oynayan həmkarlar ittifaqlarının dövlətin sosial siyasətinə dəstək verdiyini, minlərlə vətəndaşa maddi yardım və köməkliklərin edildiyini, onların istirahətini yüksək səviyyədə keçirməsi, sağlamlığının qorunması üçün yollayışlar verdiyini, işçilərə layiqli əmək şəraitinin yaradılmasında xüsusi fəallıq göstərdiyini bildirmişdir.