“Sosial tərəfdaşlıq, Həmkarlar ittifaqı hərəkatı və humanitar fənlər” kafedrası Azərbaycan Əmək və Sosial Münasibətlər Akademiyasının əsas tədris elm struktur bölməsi olub, bir və ya bir neçə yaxın fənlər üzrə tədris, metodiki, elmi-tədqiqat, elmi-pedaqoji və elmi işçilərin hazırlanması, yenidən hazırlanması, ixtisaslarının artırılmasını və təhsilalanlar arasında tərbiyə işlərini həyata keçirir. Kafedrada fənlərin tədrisi ilə 21 müəllim məşğul olur. Onlardan 2 nəfər elmlər doktoru, professor, 2 nəfər fəlsəfə doktoru, dosent, 5 nəfər fəlsəfə doktorudur. 2013-2017-ci illərdə kafedranın əməkdaşları tərəfindən 3 monoqrafiya, 2 dərslik, 5 dərs vəsaiti, 11 metodik vəsait və fənn proqramı, 79 məqalə (7 məqalə xaricdə), 10 tezis çap etdirilmişdir.
“Sosial tərəfdaşlıq, Həmkarlar ittifaqı hərəkatı və humanitar fənlər” kafedrasına fəlsəfə üzrə fəlsəfə doktoru, dosent Zeynəddin Şabanov rəhbərlik edir.